سادت في مجتمعنا النظره الشرعيه وهل مانفعله صح ام خطا

السلام عليكم جميعا ورحمه الله وبركاته
حبيت اطرح هذا الموضوع للاهميه ولان اغلب الناس فاهمين غلط
واتمنى التفاعل مع الموضوع والمشاركه //////لنخرج من اجوا البحث وللاستفاده ايضا

اللحين اغلب الناس يفهمون معنى الزواج على كيفهم وايضا يحللون ويحرمون على كيفهم وللاسف نسوا الشرع والدين

مثلا النظره الشرعيه وهذا موضوعنا من الشروط الاساسيه
١/لازم تكون البنت مستوره (((بس للاسف البنت وقتها تلبس حفر او سيور او بدون اكمام لهذا الغرض وايضا الالوان الجذابه وتنزل للسوق بالخصوص لهذه الليله وتروح مشغل وتصوير ووووو )))
٢/والشي الثاني ان يكون فعلا قاصد يتزوج بها
بس للاسف احنا اللحين صارت منتشره عندنا  وكانها اصبحت شي للتباهي فقط لاغير انا سويت نظره شرعيه وشفتها او شافني قبل العقد
واللي عندها صور تقول هذي لليله اللي جاء يشوفني وسوالف مالها نهايه
والشاب يروح يشوفها مو قاصد الزواج ١٠٠ % اذا عجبتني باخذها واذا ماعجبتني ادور غيرها
او انه يكون مستعجل ويبي يشوف اللي بتكون شريكته حلوه او لا  وينسى المقصد الحقيقي من النظره الشرعيه

والعوائل الفاهمه هذا القصد وترفض النظره الشرعيه يعتبرونها معقده وهم من حقهم المحافظه على بنتهم
انا ما ادري عن كل المذاهب بس رائي سماحه السيد السستاني ((ان يكون قاصد للزواج مش بشوفها تعجبني باخذها ماتعجبني ادور غيرها ))

اممممم بعض الشباب ايضا يقول انا لازم اشوفها يمكن ماتعجبني وبعدين اطلقها
عاد هذي مقوله منتشره عندنا وهنا توضح النيه مثل ماقلت سابقا لقصد الاعجاب مو قصد الزواج ١٠٠٪

يعني انا من رائي اذا لم يثق باهلله وتوصيفهم له البنت فبمن يثق اذا الاهل هم الاساس يعني بيثق بزوجته --- استحاله ( وطبعا نهايه الشخص اللي مايثق بزوجته بتكون الطلاق

وهذا نص الفتوه للي مايعرف او الممتاكسل عن البحث

السؤال: ما هي حدود النظر الشرعیة للزواج (النظر للمخطوبة) للرجل والمراة ؟
الجواب: یجوز للرجل ان ینظر الی من یرید الزواج بها فینظر الی وجهها وشعرها ورقبتها ومعاصمها وساقیها بشرط ان لا یكون بقصد التلذذ وان لا یكون مع الخوف من الوقوع في الحرام وان لا یكون قد رآها سابقاً وان یحتمل الزواج بها والاحوط وجوباً ان یقصد الزواج بها خاصة دون ما اذا كان یبحث عن من تعجبه من ضمن مجموعة من الفتیات.

طبعا الفتوه ماخذتها من الموقع نفسه في قسم الخطوبه في حرف الخاء وللي مش مقتنع بالكلام بامكانه مراجعه الموقع

وبالتوفيق ارجو التفاعل مع الموضوع واعتذر عن الاطاله وشكرا لكم

ان احببتوا ان تنشروا هذا الموضوع في القروبات فعادي حلال عليكم
اهم شي المذهب وسمعته الطيبه
وبالتوفيق

ماقصرتي رحم الله وا لديش

ووالديك اختي وشكرا على مرورك بالموضوع

انا معاك في الموضوع وما يفعله الشباب
غلط
يجب علي الشخص الذي يريد الزواج ان يتاكدمن البنت الي يريد الزواج منها
وتبقي النظره في الاخير لمجر رفع الحرج فقط والاطئنان لطرفين

وهو كذلك المفروض مثل ماقلت لرفع الحرج والاطمئنان

هههه بس وين عاد اللي يفهمون
------
وشكرا على مرورك بالموضوع وبالتوفيق اخوي

انور اول واحد. همه النظره الشرعيه ترى. ويصر عليها
يشوف البنات ومايعجبونه وبس مايرجع

الموضوع بالصميم يارت كل واحد يتعض من. الشباب الفالت ويعرف انه من يسوي ببنات الناس يسوون لخواته وعياله

نعم اختي ومثل مايقال المثل كما تدين تدان

المفروض كل بنت ترفض هذه النظره لان الناس اخذوها بالمفهوم الخطا
او اذا مصر انه يشوفها تكون بعد التحليل وبعد الاتفاق على كل شي
او تكون قبل العقد بساعات او بليله
لتجنب هذه الخدعه



واشكرك على مرورك بالموضوع

القهر او ياتي بمعنى التخلف

العائله الفاهمه الموضوع وترفض النظره الشرعيه يعتبرونها معقده
ويتجنبون الخطبه من هذا البيت لانه يرفض النظره الشرعيه


صج تخلف   

من ذوقك اختي

والله يوفقك باللي يسعدك ويحويك
وشكرا لمرورك بالموضوع

امممممم اغلب الردود من البنات شكل الرجال مش عاجبهم الموضوع
علشان كذا ماتفاعلوا معنا

موضوع  فالصمييييييم   انا صار معاي هالموقف
وقالو لي الشاب يبغا نظره شرعيه وهمه الجمال
انا الحمد لله عندي ثقه بنفسي لكن رفضت هالطلب لاني حسيت ان السالفه فيها لعب وطبعا كبرت بعين ابوووووووي  هههههههههههههههههه
عموما موضووع ولا ارووع

السلام عليكم
كلامج عين العقل اختي
بس اسمحي لي عندي تعليق بسيط
انتي ماشالله خطابه وتوفقين بين راسين بالحلال
بس الصوره اللي حاطتها ماتليق فيك
صوره ملفته واتمنى فهمتي قصدي
واعذريني اذا ماعجبك تعليقي

انا اختلف معاج في الموضوع
اولا لان هذا زواج وراح يمتد العمر كله فلازم ينبني ع اساس قوي وقناعة تامة
لا يوجد مانع من البنت تتزيين وتظهر محاسنها بغرض الزواج الجدي

وهذي فتوى من موقع سماحة اية الله السيد علي السيستاني

لسؤال: ما هي حدود النظر الشرعیة للزواج (النظر للمخطوبة) للرجل والمراة ؟
الجواب: یجوز للرجل ان ینظر الی من یرید الزواج بها فینظر الی وجهها وشعرها ورقبتها ومعاصمها وساقیها بشرط ان لا یكون بقصد التلذذ وان لا یكون مع الخوف من الوقوع في الحرام وان لا یكون قد رآها سابقاً وان یحتمل الزواج بها والاحوط وجوباً ان یقصد الزواج بها خاصة دون ما اذا كان یبحث عن من تعجبه من ضمن مجموعة من الفتیات.

وكل انسان عنده نظره والاهل احيانا ما يعرفون نظرته فالنظرة الشرعية ضرورية

والله يوفقك لما يحبه ويرضاه

هلا بكم جميعا ومشكورين على مروركم بالموضوع

هلا اختي ام علي تعليقك في عيوني
ماكان قصدي وقت اللي حطيتها انها ملفته للانظار انا ماحبيت اضع صوره اشخاص فقلت احط احذيه
فاذا كنت تشوفينها ملفته للانظار اللحين اغيرها ولا يهمك
وتعليقك على عيني وراسي ولا راح ازعل
وشكرا للتنبيه

هلا بك اخوي tommorrow

انا ما اقول انها محرمه --- لا
نعم من حقه يشوفها ويشوف محاسنها على طبيعتها هي
مو تروح مشغل وتتعدل وتحط لها مكياج كامل
يعني مايفعلونه المشاغل يضعون البودره خضراء وفوقها البودره الاساسيه او اخفاء العيوب بدل البوده الخضراء (مثلا حب الشباب والتصبغات الجلديه )
انا اقول تتزين في البيت واستشوار فقط وهيك تكون على طبيعتها

( طبعا البعض يسوون تسريحه للشعر وايضا هذه فيها غش اذا كان شعرها قصير واستبدلوه بالشعر المستعار او مايطلق عليه الباروكه حيث في بعض الاحيان يغطي الشعر الاصلي بكامله بالشعر المستعار ) وينبغي للشباب التاكد من هذه النقطه

النقطه الثانيه واللي ذكرتها في موضوعي ان يكون قاصد الزواج بها وان قلت اغلب اللي يخطبون القصد تعجبني باخذها ماتعجبني ادور غيرها
ايضا لاحظ في نفس الفتوى اللي ذكرت انت مكتوب بها هذا الكلام ايضا
(((وان یحتمل الزواج بها والاحوط وجوباً ان یقصد الزواج بها خاصة دون ما اذا كان یبحث عن من تعجبه من ضمن مجموعة من الفتیات.)))


وهي نفس الفتوه اللي انا ذكرتها في موضوعي اعدتها انت
وشكرا لمرورك بالموضوع