[]السلام عليكم يا اعضاء المنتدى
انا صار لي زمن قصير بهالمنتدى
دايم اشوف طلبات للزواج والمشكله يحطون شروط معقده اغلب الاحيان
او يشترط متعه او موظفه اووو
اولا حابه اقول لكم ان القناعه كنزلايفنى لو تزوجت وحده طيبه وبنت ناس
تريحك وتدلعك مو افضل من الموظفه؟
وانا ما اعيب الموظفه بالعكس فيه موظفات من عوايل ومحترمات
بس الموظفه معها التزام ودوم ماراح تكون فاضيه مثل البنت الجالسه وتقابلك وتشوف طلباتك اغلب الشغل بيكون على الخدم وهذا واقع
فيه موظفات حتى كاس ماي ماتجيبه لزوجها تقول له خل الشغاله تجيب لك انا معي دوام وانا اشوفها موعدله هالشي بحقها
الحل الثاني الزواج والنتاسل يحد من مشكلة العنوسه والانحرافات والفساد وبالذات بالسعوديه النسبه مرتفعه فيه كثير بنات جالسين ليه؟
لانهم مامعهم وظايف .....
خل البنات تمشي وتستر على نفسها مايحتاج الواحد يحط شروط وطلبات
لان هالزمن صار الزواج شيء صعب جدآ وانتو عارفين ارتفاع اسعار الذهب ومتطلبات الحياه
فاذا كانت البنت راغبه بالزواج والحلال ليه الاغلب يصر على انها تكون بيضاء وموظفه ويحط شروط ؟
صار الحين المساومه على الموظفات عشان الرواتب والمساعده
طيب والبنات الجالسين ليه محد يكسب فيهم وجهه الله ( مطلقات *أرامل *ايتام * عزوبيات * ) هم بعد لهم الحق بالستر والزواج
اللي بيعلق لايكتب رد مو لايق رجاء
ربي يوفق كل هالبنات ونعرسهم ونفرح فيهم
الثلاثاء ديسمبر 10, 2013 10:30 am